WIIW: Ekonomia e vendeve të Ballkanit Perëndimor është në rritje

15:24 | 13 Mars 2018
Instituti Ekonomik i Vjenës (WIIW) pret që rritja ekonomike e vendeve të Ballkanit Perëndimor, në krahasim me vitet e mëparshme të përshpejtohet dukshëm.
Evropa Qendrore dhe Lindore është në një trend të lartë të rritjes ekonomike. Kështu është vlerësuar në konferencat e sotme për shtyp.

Po ashtu, është theksuar se ekonomitë rajonit u zgjeruan për herë të parë në dekadën e fundit të vitit të kaluar, transmeton lajmi.net.

Sektori bankar është në këmbë të forta, më të forta se disa vite më parë kanë vlerësuar ekspertët, duke shtuar se rreziqet janë nga lufta e potencialit tregtar e cila mund të anulojë ‘lirshëm’ politikën monetare.

Tendenca e rritjes globale do të vazhdojë siç pritet nga WIIW, me të cilën do të përfitojë më shumë Evropa qendrore dhe lindore.

Një rritje prej 3.1 për qind është regjistruar për gjithë rajonin.  Rritja e madhe për periudhën 2018-2020 është promovuar në vendet e Evropës qendrore dhe lindore si dhe në Turqi.

WIIW parashikon që rritja në 11 vendet e reja anëtare të BE-së do të jetë në 3.9 për qind ndërsa në Turqi 4.5 për qind.

Për Rumaninë është parashikuar rritje e PBB prej 7.7 për qind.

Gjithashtu është theksuar se vendet e Ballkanit Perëndimor do të kenë një rritje të konsiderueshme krahasuar me vitet e kaluara.

Rusia dhe Ukraina do të kenë një rritje të ndjeshme më të ulët, që do të thotë se Rusia do të ketë rritje prej vetëm 1.8 për qind këtë vit, ndërsa Ukraina do të ketë 1.9 për qind. /Lajmi.net/

Shpërndaje në rrjete sociale