Ushtarët libianë përfundojnë stërvitjen e ushtrisë turke

22:31 | 21 Nëntor 2020

Ushtarët marrin pjesë në ceremoninë e parakalimit në Tripoli pas përfundimit të trajnimit 8-javor.

Një ceremoni parakalimi u mbajt sot për ushtarët libianë të cilët përfunduan një trajnim 8-javor nga Forcat e Armatosura Turke.

Trajnimi u mbajt si pjesë e një marrëveshjeje të nënshkruar midis dy vendeve vitin e kaluar.

Ministri libian i Mbrojtjes, Salahaddin Namroush, tha se përfundimi i këtij trajnimi është dëshmi se bashkëpunimi ushtarak mes Libisë dhe Turqisë po jepte fryte.

Pakti me Qeverinë e Pajtimit Kombëtar të Libisë (GNA) u nënshkrua më 27 nëntor 2019 dhe u miratua nga parlamenti i Turqisë më 5 dhjetor.

Marrëveshja që përcakton juridiksionet detare në Mesdheun Lindor hedh poshtë veprimtaritë e njëanshme dhe të paligjshme nga vendet e tjera të rajonit dhe firmat ndërkombëtare, si dhe synon të mbrojë të drejtat e të dy vendeve.

Libia është shkatërruar nga lufta civile që nga rrëzimi i Muammar Gaddafi në vitin 2011.

Një qeveri e re u themelua në vitin 2015 sipas një marrëveshjeje të udhëhequr nga OKB, por përpjekjet për një zgjidhje politike afatgjatë kanë dështuar.

Me ndihmën e Turqisë, GNA e kryesuar nga Fayez al-Sarraj, ka bërë fitime të konsiderueshme në muajt e fundit./AA/

Shpërndaje në rrjete sociale

Lajmet më të lexuara