Tre të vdekur nga mishi i kontaminuar në Spanjë

21:16 | 16 Shtator 2019

Tre persona vdiqën dhe të paktën 222 të tjerë janë infektuar në epideminë më të madhe të listerisë së Spanjës deri më tani, tha sot Organizata Botërore e Shëndetit (OBSH).

Infeksioni, i cili ka shumë të ngjarë shkaku i derrit të prodhuar në jug të vendit, kryesisht ka prekur gratë.

Shumica e pacientëve janë nga Andaluzia pasi fabrika e përpunimit të mishit Magrudis ndodhet në Sevilla.

Të gjitha produktet e derrit të bëra nga fabrika para 1 majit, u tërhoqën nga raftet.

OBSH, megjithatë, paralajmëron për një rritje të mëtejshme të numrit të pacientëve, pasi produktet ‘Magrudis’, të cilat janë shumë të njohura në Spanjë, kanë një jetë prej tre muajsh dhe vendi vizitohet nga një numër i madh i turistëve.

Listeria është një sëmundje infektive e shkaktuar nga virusi Listeria monocytogenes dhe hyn në trupin e njeriut me ushqim të kontaminuar.

Zakonisht shkakton një sëmundje që trajtohet në mënyrë efektive me antibiotikë, por gjithashtu mund të jetë vdekjeprurëse për gra shtatzëna, foshnjat, të moshuarit dhe njerëzit me sistem imuniteti të dobësuar.

Ndryshe, si pasojë e saj, gjashtë gra shtatzëna kanë abortuar, raporton OBSH.

Shpërndaje në rrjete sociale

Lajmet më të lexuara