Tajfun i fuqishëm në Japoni, një milion të evakuuar

12:27 | 4 Shtatorë 2018

Tajfuni i fuqishëm Jebi ka goditur bregun perëndimor të Japonisë, me erëra të forta deri në 135 mph.

Kjo është stuhia më e keqe në këtë vend prej 25 vitesh, transmeton portali arbresh.info.

Pamjet dramatike të publikuara tregojnë çatinë e stacionit të trenit në Kyoto duke u shembur, gjë që ka frikësuar pasagjerët që ndodheshin nën të.

Sipas agjencisë së lajmeve Kyodo, e cila ka cituar Agjencinë Japoneze të Meteorologjisë, qindra fluturime dhe udhëtime hekurudhore janë anuluar si pasojë e reshjeve dhe erërave të forta të shkaktuara nga tajfuni.

Një anije që është ankoruar në gjirin e Osakas është përplasur me një urë që lidh qytetin Izumisano dhe Aeroportin Ndërkombëtar të Kansait të ndërtuar mbi një ishull artificial. 11 pjesëtarët e ekuipazhit shpëtuan pa marrë lëndime.

Ndërkaq, ujërat kanë vërshuar pistën e aeroportit dhe katin përdhes të terminalit.

Siç bëhet e ditur, shpejtësia e tajfunit Jebi ka arritur deri në 216 kilometra në orë./arbresh.info/

Shpërndaje në rrjete sociale