Stuhia Axel shkakton vërshime në Gjermani e Austri

22:12 | 21 Maj 2019

Disa pjesë të Gjermanisë janë bllokuar si pasojë e shirave të stuhishëm, posaçërisht në jug.

Një person ka vdekur dhe jeta e përditshme është duke u penguar nga moti i ligë që ka mbretëruar këto ditë, transmeton portali arbresh.info.

Shiu i madh dhe stuhia, kryesisht në jug dhe qendër të Gjermanisë, kanë lënë lumenj dhe rrugë të përmbytura. Zonat më të prekura ishin në kufirin jugor me Austrinë, e cila ishte gjithashtu e prekur keq, së bashku me Zvicrën lindore.

Shërbimi i motit Deutscher Wetterdienst (DWD) tha se kishte një rrezik të vazhdueshëm të shiut dhe stuhive të forta deri të mërkurën.

Një burrë u raportua se kishte vdekur në qytetin bavarez të Aurachit të martën pasi makina e tij doli nga autostrada.

Pamje të vendit tregojnë se uji kishte arritur nivelin e gjurit./Arbresh.info/

Shpërndaje në rrjete sociale

Lajmet më të lexuara