SHBA dhe Koreja e Jugut me marrëveshje të re për financimin e ushtrisë amerikane

16:17 | 10 Shkurt 2019

Autoritetet e Koresë së Jugut dhe Shtetet e Bashkuara të Amerikës kanë arritur një marrëveshje të re për financimin e ushtrisë amerikane të angazhuar në Korenë e Jugut.

Aktualisht në Korenë e Jugut janë të angazhuar 28,500 ushtarë amerikanë ndërsa agjencia e lajmeve Yonhap raporton se Ministria e Jashtme koreano-jugore ka nënshkruar marrëveshje të re për financimin angazhimit të tyre

Ministria në njoftimin e publikuar nuk zbulon se sa para janë ndarë, ndërsa Yonhap raporton se Korea e Jugut për angazhimin ushtarak amerikan në vitin 2019 do të paguajë të paktën 924 milionë dollarë.

Delegacionet e SHBA-së dhe Koresë së Jugut kanë mbajtur më shumë se 10 takime, në të cilat Washingtoni ka kërkuar nga Seuli që për angazhimin e trupave të tyre të rrisin buxhetin në 1 miliard dollarë.

Sipas marrëveshjes së fundit Koreja e Jugut për angazhimin e ushtrisë amerikane në vit ndante 848 milionë dollarë. /REL

Shpërndaje në rrjete sociale

Lajmet më të lexuara