Putini inspekton personalisht manovrat ushtarake

23:36 | 13 Shtatorë 2018

Vladimir Putin ka fluturuar deri në Siberinë e largët lindore për të mbikëqyrur personalisht ditën e tretë të manovrave ushtarake.

Presidenti rus shikoi sesi 300 mijë trupa, 36 mijë tanke dhe njëmijë avionë bënin manovra në Tsugol, në afërsi me kufirin kinez, transmeton portali arbresh.info.

Putin gjithashtu shikoi paradën e madhe ushtarake në të cilën trupat ruse u radhitën në linjë me homologët e tyre kinezë dhe mongolë.

Pas paradës ai iu drejtua ushtarëve, duke kërkuar forcimin e mëtejshëm të ushtrisë ruse, megjithatë duke shtuar që vendi i tij është i përgatitur të bashkëpunojë me të tjerët në skenën botërore./Arbresh.info/

Shpërndaje në rrjete sociale