Policia franceze vret një kinez, shpërthen dhuna në Paris

15:58 | 28 Mars 2017

Dhuna në Paris pas vrasjes së një kinezi ka lënë tre policë të lënduar dhe më shumë se 30 persona të prangosur.

Demonstruesit janë mbledhur jashtë një stacioni policor për të bërë homazhe ndaj të ndjerit të vrarë, transmeton portali arbresh.info.

Familja e tij mohon raportimet e policisë që ai kishte sulmuar një efektiv policor me gërshërë në kohën kur forcat e rendit u përgjigjën në thirrjen e dhunës në familje.

Kina edhe zyrtarisht është ankuar, duke i bërë thirrje Francës të mbrojë shtetasit e saj.

Burri 56-vjeçar, babai i pesë fëmijëve, Liu Shaoyo u qëllua për vdekje në qarkun e 19-të të Parisit./Arbresh.info

Shpërndaje në rrjete sociale

Lajmet më të lexuara