OKB: Sanksionet amerikane mund të përkeqësojnë vuajtjen e Venezuelës

08:37 | 9 Gusht 2019

Shefja e të drejtave të njeriut në Kombet e Bashkuara ka kritikuar sanksionet e fundit amerikane kundër Venezuelës duke thënë se ato do të intensifikojnë vuajtjen e miliona njerëzve.

Michelle Bachelet, ish presidentja e Kilit, tha se sanksionet ishin “jashtëzakonisht të gjera” dhe do të godisnin seksionet më të rrezikuara të shoqërisë, transmeton portali arbresh.info.

Masat e njëanshme ngrinë të gjitha pasuritë e qeverisë Venezuelës në SHBA dhe ndalojnë transaksionet tregtare.

Ato kanë për qëllim të grumbullojnë presionin ndaj Presidentit Nicolas Maduro që të tërhiqet.

SHBA është një nga më shumë se 50 kombe që nuk e njohin Z. Maduro si presidentin legjitim të Venezuelës./arbresh.info/

Shpërndaje në rrjete sociale

Lajmet më të lexuara