Ngrohja globale: Londra arreston mbi 200 protestues

21:14 | 16 Prill 2019

Më shumë se 200 persona që kanë protestuar kundër ngrohjes globale janë arrestuar në qendër të Londrës.

Në ditën e dytë të protestës ata kanë arritur të bllokojnë pikat kryesore të qytetit, transmeton portali arbresh.info

Policia tha se për shkak të bllokadës të shkaktuar nga protesta janë prekur mbi 500 mijë njerëz, pasi protesta ka detyruar devijimin e 55 linjave të autobusëve në Londër.

Të gjithë të arrestuarit janë në paraburgim dhe janë arrestuar për pengesë ndaj rendit publik, ndërsa 5 nga 209 protestues po mbahen në arrest për dyshime të dëmtimeve në selinë Shell.

Nxitësit e fushatave janë urdhëruar të kufizojnë protestat e tyre në Mermer Arch pasi ata shkaktuan përçarje.

Kryebashkiaku i Londrës, Sadiq Khan, tha se ai “ndan pasionin” e aktivistëve, ai ishte “tepër i shqetësuar” në lidhje me planet që disa protestues kishin për të prishur stacionet e metrove.

Ai shtoi se është shumë e rëndësishme që njerëzit të përdorin transportin publik, edhe kur është fjala te ndryshimet klimatike.

Protestuesit thanë do të “bllokonin Londrën” deri më 29 prill, ku priteshin të mbaheshin një sërë protestash./arbresh.info/

Shpërndaje në rrjete sociale

Lajmet më të lexuara