Ndalohet festimi i përvjetorit të puçit ushtarak në Brazil

10:55 | 30 Mars 2019

Një gjykatës ka ndaluar festimin e planifikuar të përvjetorit të puçit ushtarak brazilian më 1964 ku u rrëzua qeveria demokratike.

Presidenti Jair Bolsonaro kishte planifikuar të celebrojë përvjetorin e fillimit të sundimit ushtarak të dielën, transmeton portali arbresh.info.

Por vendimi i presidentit të krahut ekstrem kishte provokuar kritika të ashpra.

Ai e mbrojti vendimin më herët këtë javë, duke deklaruar se qëllimi ishte të mbante mend epokën në vend që të përkujtonte vetë sundimin ushtarak.

Gjyqtari Ivani Silva da Luz tha se ngjarja që festonte 55 vjetorin e grushtit të shtetit nuk ishte “në përputhje me procesin e rindërtimit demokratik”.

Ai tha se datat përkujtimore duhet të miratohen nga Kongresi i vendit.

Gjatë 21 viteve të diktaturës në vitet 1960 dhe 70, të paktën 434 vetë u vranë ose u zhdukën.

Asnjë nga zyrtarët ushtarak në pushtet në atë kohë nuk është ndjekur penalisht./Arbresh.info/

Shpërndaje në rrjete sociale

Lajmet më të lexuara