Ndalesat e bankës amerikane do të nënkuptojnë luftë ekonomike: Moska

09:02 | 10 Gusht 2018

Kryeministri rus Dimitri Medvedev ka thënë se nëse Amerika vendos ndalesa në banka apo monedha të veçanta atëherë Moska këtë do ta konsideronte si luftë ekonomike.

Rusia do të konsideronte këtë si luftë ekonomike nëse Amerika vendos ndalesa në banka ose monedha të veqanta, tha kryeministri Dimitri Medvedev për agjencinë e lajmeve TASS.

“Unë nuk do të doja të komentoja rreth sanksioneve të ardhshme, por unë mund të them vetëm një gjë: Nëse ndalojnë operimet e bankave ose në përdorimin e ndonjë monedhe tjetër, do të ishte më se e qartë se janë duke deklaruar luftë ekonomike,”tha Medvedev këtë të premte.

“Dhe do të ishte me rëndësi dhe do të ishte e nevojshme të reagojmë ndaj kësaj lufte ekonomike dhe politike. Amerika, miku jonë amerikan duhet ta kuptojë këtë”,ka shtuar ai./arbresh.info/

Shpërndaje në rrjete sociale