Montazhe të reja nga simpatizantët e YPG/PKK-së kundër operacionit të Turqisë

12:47 | 18 Tetor 2019

Një fotografi në të cilën shihet presidenti Erdoğan para një harte, simpatizantët e YPG/PKK-së e kanë shtrembëruar me një hartë të Turqisë e cila përfshin edhe territore në veri të Sirisë dhe Irakut

Simpatizantët e organizatës terroriste YPG/PKK kanë vazhduar përpjekjet e tyre dezinformuese në rrjetet sociale kundër operacionit “Burmi i Paqes” në veri të Sirisë, duke bërë montazh në një fotografi dhe duke e publikuar atë sikur të jetë shpërndarë nga llogaria e ministrit turk të Mbrojtjes Hulusi Akar.

Një fotografi të AA-së në të cilën shihet presidenti Recep Tayyip Erdoğan para një harte gjatë operacionit të mëparshëm “Dega e Ullirit”, simpatizantët e YPG/PKK-së e kanë shtrembëruar dhe kanë montuar një hartë të Turqisë e cila përfshin edhe territore në veri të Sirisë dhe Irakut.

Llogaritë e njejta manipulatore në rrjetet sociale fotografinë e montuar e kanë shtrembëruar tutje që të duket sikur ajo është shpërndarë nga llogaria e ministrit të Mbrojtjes Hulusi Akar.

Fotografia më pas është përdorur në formën e montuar nga llogaritë e lobit armen antiturk në SHBA.

Edhe në operacionet e mëparshme, “Mburoja e Eufratit” dhe Dega e Ullirit”, AA kishte shpalosur të vërtetat rreth manipulimeve dhe dezinformatave të përhapura përmes fotografive të ndryshme nga ana e simpatizantëve të organizatës terroriste.

Më 9 tetor, Turqia nisi operacionin “Burimi i Paqes” në lindje të lumit Eufrat në veri të Sirisë për të siguruar kufijtë e saj duke eleminuar elementet terroriste dhe për të garantuar kthimin e sigurt të refugjatëve sirianë dhe integritetin territorial të Sirisë.

Ankaraja synon ta pastrojë rajonin në lindje të lumit Eufrat nga terroristët e PKK-së dhe dega e saj siriane, PYD/YPG.

Në fushatën e saj terroriste më shumë se 30-vjeçare kundër Turqisë, PKK, e listuar si organizatë terroriste nga Turqia, SHBA dhe Bashkimi Evropian, është përgjegjëse për vdekjen e rreth 40.000 njerëzve, përfshirë shumë gra dhe fëmijë./AA

 

Shpërndaje në rrjete sociale

Lajmet më të lexuara