Merkel paralajmëron: Në Gjermani mund të infektohet me koronavirus 70% e popullsisë

12:52 | 11 Mars 2020

Kancelarja gjermane Angela Merkel ka paralajmëruar se sipas ekspertëve, 60-70% e popullsisë gjermane mund të infektohet me koronavirus.

Ajo deklaroi se qeveritë duhet të përqëndrohen në ngadalësimin e përhapjes së saj.

Duke folur në një konferencë shtypi koronavirus në Berlin së bashku me Ministrin e Shëndetësisë të Gjermanisë Jens Spahn, Merkel tha se ishte e rëndësishme të mos mbingarkohej sistemi shëndetësor.

Ajo vuri në dukje se çdo vend evropian ishte prekur, duke dërguar ngushëllime të veçanta për Italinë në luftën kundër virusit, shkruan CNN.

Ligjbërësit gjermanë do të zhvillojnë një takim të enjten për t’u koordinuar në lidhje me krizën.

“Kur virusi është atje, popullsia nuk ka imunitet dhe nuk ekziston asnjë terapi, atëherë 60 deri në 70% të popullsisë do të infektohen. Procesi duhet të përqendrohet në mos mbingarkesën e sistemit shëndetësor duke ngadalësuar përhapjen e virusit”, tha Merkel.

Ministri i Shëndetësisë, Jens Spahn, theksoi se 80 për qind e të gjithë pacientëve të infektuar nuk kanë pothuajse asnjë simptomë.

Gjermania ka më shumë se 1,500 raste me koronavirus dhe 2 të vdekur.

Shpërndaje në rrjete sociale

Lajmet më të lexuara