Mbreti Abdullah i Jordanisë paralajmëron për “konflikt masiv” nëse Izraeli anekson Bregun Perëndimor

08:53 | 16 Maj 2020

Mbreti Abdullah II i Jordanisë ka paralajmëruar se planet e qeverisë izraelite për të ankesuar pjesë të Bregut të pushtuar Perëndimor mund të çojnë në konflikte masive dhe tha se mbretëria e tij është duke shqyrtuar të gjitha opsionet, përfshirë ngrirjen ose anulimin e traktatit të 1994 të paqes me Izraelin.

“Nuk dua të bëj kërcënime dhe të krijojë atmosferë kontroverse, por jemi duke shqyrtuar të gjitha opsionet”, tha Mbreti Abdullah për gazetën gjermane Der Spiegel, kur u pyet për mundësinë e anulimit të traktatit Wadi Araba, transmeton portali arbresh.info.

Jordania ndan 335 km kufi me Izraelin dhe Bregun Perëndimor dhe koordinimi i sigurisë vlerësohet lartë nga inteligjenca dhe ushtria izraelite.

Qeveria e koalicionit në hyrje të kryeministrit Benjamin Netanyahu pritet të bëjë lëvizje drejt imponimit të sovranitetit mbi Luginën e Jordanisë dhe vendbanimet e paligjshme izraelite në territorin Palestinez, me gjasë me mbështetjen e SHBA.

Zonat e kundërshtuara për aneksim janë rreth një e treta e Bregut Perëndimor dhe përfshijnë një shtrirje 97 km përgjatë kufirit me Jordaninë.

“Ne jemi dakord me shumë vende të Evropës dhe me bashkësinë ndërkombëtare që ligji i më të fortit nuk duhet të zbatohet në Lindjen e Mesme”, tha Mbreti Abdullah, duke shtuar se ai e sheh zgjidhjen e dy shteteve si “mënyra e vetme që ne të ecim përpara këtu”.

Mbreti Abdullah nuk e di se cfarë do të ndodhë me fatin e Autoritetit Palestinez me bazë në Ramallah.

“Çfarë do të ndodhte nëse Autoriteti Palestinez shkatërrohet? Do të ketë më shumë kaos dhe ekstremizëm në rajon. Nëse Izraeli vërtet anekson luginën e Bregut Perëndimor në korrik, kjo do të çonte në një konflikt masiv me Mbretërinë Hashemite të Jordanit”, tha ai.

Në dhjetor, ushtria e Jordanisë kreu një stërvitje duke simuluar një pushtim të huaj që vinte nga malet perëndimore, ku mbretëria ndan një kufi me Izraelin./arbresh.info/

Shpërndaje në rrjete sociale

Lajmet më të lexuara