Kryeredaktori i “Illyria” thotë se letra është e fushatës së Bidenit, të ngjashme dërgoi edhe për irlandezët

00:29 | 19 Tetor 2020

Kryeredaktori i gazetës “Illyria”, Ruben Avxhiu, ka thënë se letra e fushatës së Joe Biden e dërguar për shqiptarët është e njëjtë sikur ajo që iu është dërguar edhe irlandëzëve e armeneve e popujve tjerë.

“Disa komente për dyshimet apo akuzat se deklarata për Shqipërinë dhe Kosovën nuk është vërtetë zyrtare nga Joe biden”, shkruan ai.

“Deklarata i është dërguar gazetës “Illyria” nga fushata e disa deklaratave të ngjashme për komunitete të ndryshme etnike nga kjo fushatë, si për armenët, irlandezët etj..

Nëse fushatës së Joe Biden nuk do ‘ti pëlqente apo nuk do të ishte dakord me deklaratën deri tani do të kishte përgënjeshtruar, korrigjuar etj..

-Po, është deklaratë fushate, premtimet e fushatave nganjëherë nuk mbahen. Me këtë jam dakord. Kjo mbetet për tu parë. Mirëpo nuk më duket se ka ndonjë premtim të jashtëzakonshëm. Është pozitive, dashamirëse, në vijë me politikën e jashtme amerikane karshi shqiptarëve ndër vite. Është një gjest për tu vlerësuar nga dikush që do votën tonë.

– E fundit, si gjithmone, sa shpenzohet energji per te hedhur ne zjarr deklaraten nga Biden, le te kerkohet nje deklarate e ngjashme apo edhe me e mire edhe nga kampi i fushates se Presidentit Trump.

Kane nevoje per voten e shqiptareve, le te kendojne pak per ne.”, shkroi ai në Facebook./express/

 

Shpërndaje në rrjete sociale

Lajmet më të lexuara