Kazakistani mohon lajmin për një pneumoni më të rrezikshme se koronavirusi

13:03 | 10 Korrik 2020

Autoritetet në Kazakistan kanë mohuar lajmin nga Kina se vendi është duke përjetuar një shpërthim të një “pneumonie të panjohur”, e cila potencialisht është më vdekjeprurëse se koronavirusi.

Të enjten, ambasada e Kinës në Kazakistan ka lëshuar një paralajmërim për qytetarët që jetojnë në këtë vend të Azisë Qendrore, se kjo pneumoni ka marrë jetët e më shumë se 1,700 personave.

“Departamenti i Shëndetit të Kazakistanit dhe agjencitë e tjera janë duke janë duke kryer hulumtime krahasuese dhe nuk kanë përcaktuar natyrën e virusit të pneumonisë “, thuhet në një deklaratë.

Rastet e reja të këtij virusi të paidentifikuar janë duke u rritur cdo ditë e më shumë nga mesi i muajit qershor, ka shtuar ambasada, duke thënë se po raportohen qindra raste të reja brenda një ditë.

“Në përgjigje të këtyre raportimeve, Ministria e Shëndetësisë së Republikës së Kazakistanit zyrtarisht deklaron se këto informata nuk janë aspak në korrespodencë me realitetin,” thuhet në deklaratë./arbresh.info/

Shpërndaje në rrjete sociale

Lajmet më të lexuara