Itali, shënohen 16 mijë raste të reja dhe mbi 600 viktima

19:13 | 30 Nëntor 2020

Edhe në 24 orët e fundit në Itali është konfirmuar një shifër e lartë me infeksione nga koronavirusi. Autoritetet shëndetësore kanë njoftuar se në vend janë regjistruar 16,377 raste të reja nga 130,524 testime të kryera.

Në 24 orët e fundit, 672 persona kanë humbur jetën, kundrejt 541 të dielën. Numri i viktimave që nga fillimi i pandemisë, në Italinë që u godit rëndë në valën e parë ka shkuar 55,576.

Ndërkaq, 3.744 pacientë janë të shtruar në spital në kujdesin intensiv. Sipas të dhënave, rajoni më i prekur është Emilia-Romagna me 2,041 raste të reja në 24 orët e fundit./abcnews.al/

Shpërndaje në rrjete sociale

Lajmet më të lexuara