Hungaria dhe Slovenia e duan Serbinë në BE

23:59 | 29 Tetor 2019

Hungaria dhe Slovenia i kanë bërë thirrje Bashkimit Europian që të përshpejtojë negociatat e anëtarësimit të Serbisë në blok.

Kryeministri hungarez Viktor Orban dhe Marjan Sarec, homologu i tij slloven, gjithashtu shprehën zhgënjimin të hënën që BE së fundmi dështoi të bien dakord për fillimin e negociatave të anëtarësimit me Shqipërinë dhe Maqedoninë e Veriut, transmeton portali arbresh.info

Orban tha se pjesa e Ballkanit që është ende jashtë Bashkimit Evropian “nuk mund të qetësohet dhe të stabilizohet pa zhvillimin e Serbisë.”

Të dy udhëheqësit gjithashtu ranë dakord për nevojën për të ndihmuar në uljen e migracionit në Evropë duke rritur ndihmën për rajone nga vijnë migrantët. Të dy vendet kanë një program të përbashkët për të dërguar furnizime mjekësore në Afrikë.

Ndër të tjera, Orban tha se aktualisht janë rreth 96 mijë migrant që lëvizin mes Turqisë dhe Hungarisë, të cilët po lëvizin me shpejtësi të madhe për të arritur në vendet e pasura të Europës.

Kujtojmë se gjatë krizës së refugjatëve, Hungaria mbylli kufirin me disa vende fqinjë dhe u kritikua ashpër nga shumë vende të BE-së në lidhje me keqtrajtimin e emigrantëve./arbresh.info/

Shpërndaje në rrjete sociale

Lajmet më të lexuara