Forcat izraelite ndalojnë shtatë palestinezë

13:42 | 26 Korrik 2019

Forcat izraelite gjatë aksioneve të kryera brenda natës në Bregun Perëndimor kanë arrestuar shtatë palestinezë, transmeton Anadolu Agency (AA).

Në njoftimin e ushtrisë izraelite theksohet se palestinezët janë arrestuar për shkak të dyshimit se kanë marrë pjesë në “aktivitete terroriste”, duke mos saktësuar se për çfarë aktivitete bëhet fjalë.

Forcat izraelite shpesh kryejnë arrestime në Bregun Perëndimor dhe në Kudsin Lindor, ku me akuza të ndryshme arrestojnë palestinezë.

Të dhënat zyrtare të palës palestineze tregojnë se në burgjet izraelite gjenden rreth 5.700 palestinezë, në mesin e të cilëve ka të mitur, gra dhe persona në paraburgim administrativ.

Shpërndaje në rrjete sociale

Lajmet më të lexuara