Dy javë karantinë për këdo që shkon në Britani

18:33 | 22 Maj 2020

Të gjithë ata që shkojnë në Britani të Madhe do të vendosen në karantinë dy javore nga 8 qershori, bën të ditur Sekretarja e Brendshme.

Duke folur në Downing Street, Priti Patel tha se njerëzit që janë të detyruar të izolohen do të përballen me një gjobë prej 1.000 funtash nëse shkelin rregullin e ri, transmeton portali arbresh.info.

Zonja Patel tha që izolimi i detyrueshëm nuk do të zbatohej për njerëzit që vijnë nga Irlanda, mjekët që merren me Covid-19 dhe punëtorët e sezonit bujqësor.

“Ne do t’i rishikojmë këto masa të përkohshme të shëndetit publik çdo tre javë për t’u siguruar që ato janë të duhurat për hartën tonë të rikuperimit”, tha ajo.

“Dhe këto masa do të futen nga 8 qershori në mënyrë që njerëzit që vijnë në Mbretërinë e Bashkuar do t’u kërkohet të izolohen për 14 ditë, përveç atyre që janë në një listë të shkurtër të përjashtimeve”.

Pasagjerët do të duhet të plotësojnë një formular, duke siguruar informacionin e kontaktit dhe udhëtimit, në mënyrë që të gjurmohen nëse shfaqen infeksione, dhe ata mund të kontaktohen rregullisht gjatë 14 ditëve dhe të përballen me kontrolle të rastësishme nga autoritetet shëndetësore publike për të siguruar pajtueshmërinë e tyre.

Shkeljet do të dënohen me një njoftim penaliteti prej 1.000 paundësh në Angli, ose ndjekja penale me një gjobë të pakufizuar, ndërsa kombet e tjera mund të përcaktojnë qasjet e tyre të zbatimit./arbresh.info/

Shpërndaje në rrjete sociale

Lajmet më të lexuara