Dhoma e Përfaqësuesve miraton rezolutën që mbështet zgjidhjen e dy shteteve

18:49 | 6 Dhjetor 2019

Dhoma e Përfaqësuesve në SHBA ka miratuar rezolutën simbolike ku mbështet zgjidhjen dy-shtete për konfliktin izraelito-palestinez.

Kjo po shihet si një qortim i nënkuptuar ndaj administratës Trump se vendbanimet e kolonëve izraelitë në Bregun e pushtuar Perëndimor nuk janë domosdo të jashtëligjshme, transmeton portali arbresh.info.

Në një votim prej 226 deri 188, kryesisht përgjatë vijave partizane, Shtëpia e kontrolluar nga Demokratët të premten miratoi Rezolutën 326, e cila gjithashtu kundërshton planet e Izraelit për të aneksuar pjesë të Bregut Perëndimor dhe bën thirrje për rifillimin e ndihmës amerikane për palestinezët.

Kongresmenia Rashida Tlaib ishte një nga katër demokratët që kundërshtoi rezolutën, duke theksuar se projektligji nuk arrin të përmend fjalën “okupim”.

Votimi vjen vetëm disa javë pasi Sekretari amerikan i Shtetit Mike Pompeo njoftoi se administrata Trump i konsideron vendbanimet izraelite si “jo vetvetiu në kundërshtim me ligjin ndërkombëtar”.

Konventa e Katërt e Gjenevës ndalon një fuqi okupuese – në këtë rast, Izraelin – të lëviz popullsinë e saj civile në territorin që pushton, dhe vendbanimet janë denoncuar gjerësisht si shkelje të ligjit ndërkombëtar./arbresh.info/

Shpërndaje në rrjete sociale

Lajmet më të lexuara