Operacioni TRUDA, arrestohen pesë persona për trafikim të armëve

15:26 | 18 Tetor 2018

Policia e Kosovës, përkatësisht Drejtoria për Hetimin e Krimit të Organizuar, në bashkëpunim të plotë me Prokurorinë e Shtetit, ka zhvilluar hetime intensive disa mujore për zbulimin e veprimtarisë kriminale të disa të dyshuarve, që në vazhdimësi merreshin me kryerjen e veprave penale të trafikimit të armëve, sot, më 18.10.2018, ka arrestuar pesë të dyshuar, të përfshirë në trafikim me armë, raporton Indeksonline.

Duke u bazuar në urdhëresën e gjykatës kompetente është ndërmarrë operacioni policor “TRUDA”, ku janë arrestuar pesë të dyshuar dhe janë bërë kontrolle të shtëpive dhe objekteve përcjellëse, pronë e të dyshuarve. Kontrollet janë realizuar në rajonin e Prishtinës (në katër lokacione), dhe në rajonin e Mitrovicës (një lokacion).

Të dyshuarit e arrestuar gjatë këtij operacioni policor janë:

  • S. V. lindur me 1965 m/sh/k
  • R. V. lindur me 1967 m/sh/k
  • H. A. lindur me 1977 m/sh/k
  • S. Sh. lindur me 1953 m/sh/k
  • E. Sh. lindur me 1980 m/sh/k

i prova materiale janë sekuestruar:

  • 5 armë zjarri të vogla,
  • 6 armë me gaz “Ekol” special 99 – kal. 9 mm,
  • 1 pushkë gjysmë-automatike,
  • 3 pushkë gjuetie,
  • 2 pushkë ajrore,
  • 341 fishekë, kalibra të ndryshëm,
  • Pjese të ndryshme të armëve,
  • 4 telefona celularë,
  • 6400 euro para kesh, dyshohet se rrjedhin nga veprimtaria kriminale,
  • Dy vetura (si mjet i kryerjes së veprës penale).

Personat e dyshuar, në bazë të aktvendimit të prokurorit, dërgohen në mbajtje./Indeksonline/

Shpërndaje në rrjete sociale

Lajmet më të lexuara