Mustafa pret në takim lamtumirës Ambasadoren e Kroacisë në Kosovë

14:56 | 14 Gusht 2019

Kryetari i LDK-së, Isa Mustafa sot ka pritur në takim lamtumirës Ambasadoren e Kroacisë në Kosovë, Marija Kapitanović e shoqëruar nga Zlatko Vnučeć, sekretari i parë i Ambasadës së Kroacisë.

Kryetari Mustafa e njoftoi Ambasadoren Kapitanović për qëndrimin e LDK-së në lidhje me situatën aktuale politike në Kosovë. Poashtu falënderoi shtetin e Kroacisë për mbështetjen e vazhdueshme që i ka dhënë Kosovës.

Ambasadorja Kapitanović e uroi kryetarin Mustafa për rizgjedhjen në krye të LDK-së dhe përgëzoi për procesin zgjedhor demokratik në LDK.

Poashtu Ambasadorja kroate e falënderoi kryetarin Mustafa për korrektësinë dhe bashkëpunimin sa ishte kryeministër i Kosovës.

Gjatë takimit u diskutua për mbështjetje dhe bashkëpunim të mëtutjeshëm në veçanti në ekonomi, arsim, kulturë dhe sektor tjerë që ndikojnë në zhvillimin e Kosovës.

I pranishëm në këtë takim ishte edhe z. Ismet Beqiri, thuhet në komunikatën për media.

Fotografia e Lidhja Demokratike e Kosovës

Shpërndaje në rrjete sociale

Lajmet më të lexuara