Maloku: Le të alarmohen ndërkombëtarët, për mbarëvajtjen e raporteve të tensionuara mes Kosovës dhe Serbisë!

16:22 | 13 Tetor 2019

Eksperti politik Albinot Maloku, ka reaguar pas lajmit se 26 kosovarë janë helmuar në Qendrën e Numërimit të votave për shkak të zarfeve të ardhura nga Serbia, shkruan arbresh.info.

Maloku përmes një postimi të bërë në rrjetet sociale, ka thënë se AKI duhet të angazhohet maksimalisht të zbardh këtë ngjarje.

“‪Lajmi i sotshëm i publikuar në media elektronike ku thuhet se, për shkak të zarfeve të ardhura nga Serbia, dyshohet për 26 zyrtarë të helmuar në Qendrën e Numërimit, është skajshmërish shqetësues!
AKI duhet të angazhohet maksimalisht të zbardh këtë ngjarje! “, ka shkruar Maloku.

Ai më tutje ka shtuar se për këtë vepër kriminale instancat ndërkombëtare duhet të alarmohen për
mbarëvajtjen e raporteve edhe ashtu të tensionuara mes Kosovës dhe Serbisë!

” Instancat ndërkombëtare duhet të alarmohen për këtë vepër kriminale e cila cenon jo veç mbarëvajtjen e procesit zgjedhor por edhe raporteve edhe ashtu të tensionuara mes Kosovës dhe Serbisë!” /arbresh.info/

Shpërndaje në rrjete sociale

Lajmet më të lexuara