Apostolova i kërkon të rinjve të parandalojnë korrupsionin, i përmend rrjetet sociale

10:21 | 11 Dhjetor 2018

“Korrupsioni shkatërron të ardhmen e vendit edhe tuajën,” thotë shefja e zyrës së Bashkimit Evropian në Kosovë, Nataliya Apostolova, para nxënësve të shkollave të mesme.

Sipas Apostolovës detyrë e institucioneve është të parandalojnë korrupsionin dhe krimin e organizuar.

“Zyra e BE-së ka punuar shumë të mbështesë luftimin e korrupsionit dhe krimit të organizuar. Ju jeni liderë të së ardhmes. Ju mund të parandaloni korrupsionin përmes medies sociale, duke bërë publike rastet, dhe vetëm dua të ju tregoj se çfarë është në dorën tuaj,” shprehet Apostolova në fjalën e saj, shkruan arbresh.info.

Ajo ka rishprehur gatishmërinë e BE-së për të mbështetur edhe sistemin e arsimit në Kosovë.

“Duhet të jeni krenarë se çfarë është në dorën tuaj. Këto e qojnë Kosovën drejtë standardeve çfarë ju doni t’i keni. BE është këtu të ju ndihmojë për një të ardhme më të mirë. Kjo duhet të jetë primare në shkollën bazike, dhe në universitete. Të gjithë së bashku duhet të bëjmë kushtet dhe sistemi arsimor të vlerësohet në nivelin evropian,” deklaron Apostolova.

Këto komente ajo i ka bërë në tryezën me temë “Avokimi i ndryshimit kulturor: Roli i gjeneratave të reja për formësimin e vlerave të së nesërmes”./arbresh.info/

 

Shpërndaje në rrjete sociale

Lajmet më të lexuara