Certifikohen rreth 350 rekrutë të rinj të FSK-së

10:43 | 9 Gusht 2019

Në një ceremoni solemne të premten është bërë certifikimi i mbi 330 rekrutëve të rinj të Forcës dhe Sigurisë së Kosovës.

Gjenerata e parë që iu bashkua Ushtrisë së Kosovës pas mandatit me mision të ri u cilësuan si djemtë dhe vajzat më të mira të vendit, shkruan arbresh.info.

Komandanti i FSK-së, Rrustem Rama gjatë fjalimit të tij tha se ky profesion është fisnik dhe kërkon përkushtim.

“Sot si komandanti i FSK-së, po u drejtohem pas përfundimit të trajnimit me suksese, ky profesion fisnik kërkon që vendit t’i shërbeje me dinjitet”, ka thënë ai.

Rama gjithashtu kërkoi nga rekrutët angazhim shtesë deri në përfundim të misionit.

“Me përkrahjen  vazhdueshme të partnerëve strategjikë udhëtimi jonë do të jetë me i lehtë, kërkoj angazhim shtesë nga ju që procesi i tranzicionit të kryhet me sukses.

Ministri i Mbrojtjes, Rrustem Berisha, ka thënë se nuk ka detyrë më të ndershme sesa shërbimi për vendin.

“Kjo është një datë me rëndësi për karrierën dhe jetën tuaj,   Nuk ka detyrë më të ndershme sesa t’i shërbesh vendit dhe të kontribuosh në ruajtjen e vendit tuaj dhe rajonit”, ka thënë ai.

Berisha ka shtuar se është krenar për këtë gjeneratë.

“Jam krenar me vajzat dhe djemtë tanë, ushtarë, oficerë dhe nënoficerë”, ka shtuar ai./Arbresh.info/

🔴#LIVE Mbahet ceremonia e certifikimit të rekrutëve të rinj të FSK-së, gjenerata 1/2019

Publiée par Arbresh.info sur Vendredi 9 août 2019

Shpërndaje në rrjete sociale

Lajmet më të lexuara