Rreth 500 punëtorë të ‘Ramiz Sadikut’ kanë mbetur pa 20 përqindëshin nga shitja e ndërmarrjes

11:26 | 26 Qershorë 2018

Ish-punëtorët e ndërmarrjes shoqërore “Ramiz Sadiku” janë duke protestuar para Prokurorit të Shtetit për të kërkuar 20 përqindëshin, siç thonë ata, që u takon pas privatizimit të kësaj ndërmarrje.

Maliq Demiri, përfaqësues i ish-punëtorëve të kësaj ndërmarrjeje ka thënë se 470 punëtorë të saj kanë mbetur jashtë listave nga shitja e aseteve të saj, përcjell arbresh.info.

Ne jemi përfaqësues të 470 punëtorëve që janë mbetur jashtë listave nga shitja e aseteve të “Ramiz Sadikut”. Jemi mbledhur këtu pasi që jeni dera e vetme në të cilën mund të kërkojmë drejtësi dhe hetime për mospërfilljen tonë në grupin e njerëzve që e kanë marrë 20 për qindëshin. Prokurorisë së shtetit i jemi drejtuar disa herë duke kërkuar hetime në çështjen tonë por Prokuroria nuk ka vepruar, i mbylli hetimet me arsyetim se nuk kemi gjetur prova të mjaftueshme. Të gjithë këta punëtorë janë të gatshëm të tregojnë dhe të dëshmojnë para Prokurorisë, gjykatës se si manipuluan në protestat në rastin tonë”, ka thënë Demiri.

Sipas tij, punëtorët janë të gatshëm të dëshmojnë se si sindikata e Ramiz Sadikut është korruptuar në mënyra të ndryshme.

“Ne si grup jemi përjashtuar nga kjo drejtësi duke na i fshehur nga sindikata e vetëquajtur e “Ramiz Sadikut” kartelat apo librezat e punës dhe të kaluarën tonë në atë ndërmarrje. Lusim Prokurorinë e shtetit që të ndërmerr hetime të shpejta dhe të drejta në drejtimin dhe t’i sjell para drejtësisë të gjithë manipuluesit dhe të korruptuarit”, ka thënë ai.

Në këto momente ata po presin që të takohen me Kryeprokurorin e Shtetit, Aleksandër Lumezi./Arbresh.info

Ish punëtorët e ndërmarrjes shoqërore “Ramiz Sadiku” mbajnë protestë para Prokurorit të Shtetit

Gepostet von Arbresh.info am Dienstag, 26. Juni 2018

Shpërndaje në rrjete sociale